Rozay Pe Mustufa s.a.w.w Key Udasi See Chhai Hai

    

Rozay Pe Mustufa s.a.w.w Key

Rozay Pe Mustufa s.a.w.w Key Udasi See Chhai Hai

Kunbay Ko Kho Key Zainab-e-Nashaad s.a Aai Hai

Arey Ro Ker Pukari Nana s.a.w.w Main Faryaad Laai Hoon

Main Chhor Kar Hussain a.s Ko Jungle Main Aai Hoon

(Rozay Pe Mustafa s.a.w.w Key Udasi See Chhai Hai

Kunbay Ko Kho Key Zainab-e-Nashaad a.s Aai Hai) 2x

Nana s.a.w.w Ajeeb Sanahey Ham Per Guzar Gaye

Ranj O Alam Ney Gheyr Liya Ham Jidher Gaye

Nana s.a.w.w Khuda Key Ghar Main Na Hamko Amaan Mili

Bhai a.s Ne Shehr Chhor Ke Jungle Ki Raah Li

(Rozay Pe Mustafa s.a.w.w Key Udasi See Chhai Hai

Kunbay Ko Kho Key Zainab-e-Nashaad a.s Aai Hai) 2x

Nana s.a.w.w Hamaray Ghar Ka Sab Asbaab Lut Gaya

Nana s.a.w.w Hamaray Sar Pe Na Baqi Rahi Rida

Nana s.a.w.w Hazaar Tarha Jafa Ki Laeeno'n Ney

Khaimo'n Main Haaye Aag Laga Di Laeeno'n Ney

(Rozay Pe Mustafa s.a.w.w Key Udasi See Chhai Hai

Kunbay Ko Kho Key Zainab-e-Nashaad a.s Aai Hai) 2x

Nana s.a.w.w Shaheed Ho Gaye Bhai Key Jaan Nisaar

Ek Ek Kar Key Mar Gaye As'haab-e-Zi Waqar

Nana s.a.w.w Bala Key Ban Main Qayamat Ka Run Para

Bhai Sey Bhai Baap Sey Beta Bichher Gaya

(Rozay Pe Mustafa s.a.w.w Key Udasi See Chhai Hai

Kunbay Ko Kho Key Zainab-e-Nashaad a.s Aai Hai) 2x

Nana s.a.w.w Zameen-e-Karbobala Laal Ho Gai

Qasim a.s Ki Laash Ghoro'n Sey Pamaal Ho Gai

Nana s.a.w.w Katta Ker Shaano'n Ko ABBAS a.s Mar Gaye

Ghurbat Main Bhai Jaan Ko Bey Aas Kar Gaye

(Rozay Pe Mustafa s.a.w.w Key Udasi See Chhai Hai

Kunbay Ko Kho Key Zainab-e-Nashaad a.s Aai Hai) 2x

Nana s.a.w.w Aseer Barah They Aur Aik Thi Rassan

Bandhay Gaye They Misl-e-Gunahgaar Khasta Tan

Nana s.a.w.w Ham Apney Haal Pe Rotay They Baar Baar

Nana s.a.w.w Hamarey Haal Pe Hastay They Bad Shi'aar

(Rozay Pe Mustafa s.a.w.w Key Udasi See Chhai Hai

Kunbay Ko Kho Key Zainab-e-Nashaad a.s Aai Hai) 2x

Itnay Main Aik Shaami Ney Nana s.a.w.w Ghazab Kiya

Syedani Ko Kaneezi Main Ussney Talab Kiya

Hoti Theen Laakh Zillatain Ham Deykhtey Rahay

Hass Hass Key Taziyaney Sitam Jhheyltay Rahay

(Rozay Pe Mustafa s.a.w.w Key Udasi See Chhai Hai

Kunbay Ko Kho Key Zainab-e-Nashaad a.s Aai Hai) 2x

Nana s.a.w.w Tabah Ho Ke Ham Aaye Hain Shaam Sey

Ek Dagh-e-Nou Sakina s.a Ka Laaye Hain Shaam Sey

Ab Tak Hain Neel Rassi Key Shaano'n Ko Deykh Lo

Nana s.a.w.w Hamaray Tan Pe Nishano'n Ko Deykh Lo

(Rozay Pe Mustafa s.a.w.w Key Udasi See Chhai Hai

Kunbay Ko Kho Key Zainab-e-Nashaad a.s Aai Hai) 2x

Zainab s.a Jo Ro Ke Karti Theen Qabr-e-Nabbi s.a.w.w Pe Bain

Tharra Raha Tha Roza-e-Sultan-e-Mashraqain

Bus Khatam Kar Nisaar Ye Ghamnaak Dastaan

Roye Hain Iss Alam Main Zameen Aur Aasmaan